ტელეკომპანია “პირველის” ჟურნალისტი, ვიკა ბუკია, რომელსაც კორონავირუსი დაუდასტურდა, ბოჭორიშვილის კლინიკიდან მორიგ პოსტს აქვეყნებს სოციალურ ქსელში და საზოგადოებას მისი მდგომარეობის შესახებ აწვდის ახალ ინფორმაციას.

ჟურნალისტი წერს, რომ დღის განმავლობაში სრულიად უსიმპტომოდ ვლინდება ვირუსი, ხოლო საღამოს საათებში შედარებით ცუდად გრძნობს თავს.

რაც შეეხება მისი მეუღლის მდგომარეობას, როგორც ვიკა ბუკია წერს, ლევან გოგიჩაიშვილის ფილტვზე პატარა ანთების კერა გაჩნდა, ისიც ინტენსიური დაკვირვების ქვეშ იმყოფება.

“ბოჭორიშვილში ვწევარ კოვიდ 19-ის დიაგნოზით და ვიღაცეები მწერენ მაინც: “ნუ გეშინია, ვიკა, არაფერი არ გჭირს, არ არსებობს ეს კორონა”

გუშინ დაუფერთხავი თერმომეტრი შემომიტანა ექთანმა და 41 ეწერა. აქ ასეთებიც ხდება.

ჩვენ კარგად ვართ. რასაც გვერდიდან ვუყურებ (ზუსტად ასე გვერდი-გვერდაა ჩვენი საწოლები) ლევანი უკეთ გრძნობს თავს, თუმცა მარჯვენა ფილტვის პატარა კერაზე ანთები პროცესი დაფიქსირდა კომპიუტერის მიხედვით, ამიტომ დაიწყო მისი მკურნალობა ანტიბიოტიკებით. დაალევინეს ტოპტი. ფართო სპექტრის მოქმედების ანტიბაქტერიული საშუალება, რომელიც აფერხებს ბაქტერიების ზრდასა და გამრავლებას. მაღალ კონცენტრაციებში ავლენს ბაქტერიციდულ მოქმედებას. შემდეგ დალია ლან-30 კუჭის წყლულოვანი დაავადების სამკურნალო საშუალება. გამათხელებელი ისევ გაუკეთეს კანქვეშ – ფრაქსიპარინი და გადასხმა. ამ ჩამონათვალიდან მე მხოლოდ გადასხმას და ფრაქსიპარინს მიკეთებენ. საღამოს მაქვს უძლიერესი თავის ტკივილი, ვსვამ მაგენოლს.

ჩემი ფილტვები სუფთაა. მაგრამ ისევ ვიღაც მიჭერს ყელში თოკით. მაქვს მშრალი, მაგრამ არა ძალიან შემაწუხებელი ხველა. სიცხე 37,3. ხანდახან ეს თოკიც იხსნება და სიცხეც; და ვხვდები სრულიად უსიმპტომო. საღამოობით უფრო ცუდად ვარ ხოლმე. მაჟრიალებს და თავის შემაწუხებელი კტივილი მაქვს. გემოს რეცეპტორები ისევ ადგილზეა. მანჯიმ გამოგვიგზავნა საჭმელი და ისეთი გემრიელი იყო, აი, უხ! მადლობა მანჯი, ყნოსვაც გვაქვს. ორივეს სუსტი სურდო გვაქვს და რის საშუალებასაც სურდო გვაძლევს სუნებს ვარჩევთ.

დილით მტრედი მოფრინდა ჩემთან, რამდენი იფრინა და აქ დასკუპდა. კოვიდიანების ფანჯარასთან ასე ფრენა ხუმრობა საქმე რომ არ არის. ახალი კონტაქტი შემემატა – მტრედი.”- წერს ვიკა ბუკია.

 

დედიკა კალატოზი
ავტორი

მსგავსი თემები