მოძრაობა “სირცხვილია” “ქართული ოცნების” თავმჯდომარის, ირაკლი კობახიძის ბრალდებას უარყოფს და აცხადებს, რომ მსგავსი კომუნიკაცია არასდროს არავისთან ჰქონიათ, რადგან მმართველი პარტიისგან განსხვავებით ადამიანის სიცოცხლის ფასი იციან.

“ირაკლი კობახიძის განცხადება მოძრაობა “სირცხვილიასთან” დაკავშირებით ტყუილია. სრული პასუხისმგებლობით ვაცხადებთ, რომ მსგავსი შინაარსის კომუნიკაცია “სირცხვილიას” არც ერთ წევრს, არც ერთ საკომუნიკაციო არხსა თუ რეალურ სივრცეში არასდროს განუხორციელებია, რადგან მათგან განსხვავებით, კარგად ვიცით ადამიანის სიცოცხლის ფასი…

თუ აქამდე მსგავსი დეზინფორმაციული კამპანიებისთვის ფეისბუქზე ყალბ ანგარიშებსა და სამთავრობო მედიებს იყენებდნენ, ახლა თავად ქართული ოცნების თავმჯდომარე, ირაკლი კობახიძე მოგვევლინა ტროლის როლში”, – აღნიშნულია განცხადებაში.

შეგახსენებთ, ინტერნეტსივრცეში გავრცელებულ მასალებს, რომელიც სავარაუდოდ, სუს-ის მიერ ფარული მიყურადების გზით პოლიტიკოსების, სასულიერო პირებისა და ჟურნალისტების მოსმენას და თვალთვალს უკავშირდება „ქართული ოცნების“ თავმჯდომარემ ირაკლი კობახიძემ თქვა, რომ “ნაციონალური მოძრაობის” ლიდერებმა ამ იდეის დატესტვა ჩატში “სირცხვილიას” ერთ-ერთ წარმომადგენელს სთხოვეს.

მსგავსი თემები