“მე არ ვარ ქართული პოლიტიკური სპექტრის ექსპერტი და ვერ გავაკეთებ კომენტარს ყველა ოპოზიციური პარტიის ქმედებებზე, მაგრამ ერთი რამ, რაც ფაქტია, არის ის, რომ ბატონი სააკაშვილი მაინცდამაინც არ ტოვებს სივრცეს სხვებისთვის, – ამის შესახებ თავდაცვის ყოფილმა მინისტრმა, თინა ხიდაშელმა GHN-ს განუცხადა.

მისი თქმით, ეს ნორმალურია. სააკაშვილი პოლიტიკოსია და საკუთარი დღის წესრიგი აქვს და ამის მიხედვით მოქმედებს.

“ვფიქრობ, ამ ქვეყანაში ბევრი ჯგუფის მთავარი პრობლემა და არა მხოლოდ ოპოზიციური პარტიების, სწორედ იმაშია, რომ ვიღაცის მიმართ ანტაგონიზმმა თუ უარყოფითმა განწყობამ უცბად რადიკალური შემობრუნება გამოიწვია მათში და პირობითად, ყველა მიშისტად გადაიქცა, როგორც ხუმრობენ ხოლმე. გაუგებარი ფენომენია ჩემთვის ის, რაც ახლა ქვეყანაში ხდება, განსაკუთრებით იმ ადამიანებისგან, რომლებიც თავის დროზე დემოკრატიის სადარაჯოზე იდგნენ. თუმცა, როგორც ჩანს, მიხეილ სააკაშვილი განაზღვრავს დღის წესრიგს ამ ქვეყანაში და ვიდრე ეს ასე იქნება, ჩვენ სერიოზული პრობლმები არ შეგვიმცირდება და ეს არ დამთავრდება”, – თქვა ხიდაშელმა.

მსგავსი თემები