აეროპორტის გზაზე მომხდარი ავტოსაგზაო შემთხვევის დროს „გლოვოს“ კურიერი დაიღუპა.

„ფორტუნას“ ინფორმაციით, კუ­რი­ე­რი, რო­მე­ლიც სკუ­ტე­რით გა­და­ად­გილ­დე­ბო­და, გა­ჩე­რე­ბულ სამარშრუტო ტაქსს შე­ე­ჯა­ხა. შემთხვევა გუშინ, 23 ნოემბერს მოხდა.

ინფორმაციას ამის შესახებ გარდაცვლილის მეგობრებიც ავრცელებენ:

„ზოგჯერ გააზრებაც მიჭირს თუ რაზე მაქვს ხელი მოწერილი როდესაც სკუტერზე ვჯდები და სამუშაოდ გავდივარ.

გარდაიცვალა კიდევ ერთი ახალგაზრდა ბიჭი კოლეგა დავით ქურციკაშვილი უფალმა დაუმკვიდროს ცათა სასუფეველი.“ – წერენ სოციალურ ქსელში გარდაცვლილის მეგობრები.

როგორც „ფორტუნას“ შინაგან საქმეთა სამინისტროში განუცხადეს, მომხდარზე გამოძიება 276 -ე მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.

სალომე სარიშვილი
ავტორი

მსგავსი თემები