„ნაპოლი“ ვეღარ გამოიყენებს დიეგო მრადონას გამოსახულებას თავის ფორმაზე.

ნეაპოლის სასამართლომ დააკმაყოფილა ყოფილი ფეხბურთელის შვილების სარჩელი. „ნაპოლი“ მარადონას გამოსახულებით მაისურს გასულ სეზონში იყენებდა, როდესაც მეწარმე სტეფანო ჩეჩისგან არგენტინელის იერის გამოყენებაზე უფლება გამოისყიდა. გარიგება მარადონას გარდაცვალებამდე რამდენიმე თვით ადრე გაფორმდა.

ფეხბურთელის მემკვიდრეებმა მიაღწიეს სამომავლოდ მარადონას იერის გამოყენების აკრძალვას.

ისინი ასევე ითხოვდნენ 450 ათას ევროს, რადგან მარადონასა და ჩეჩის შეთანხმების თანახმად, დიეგოს შემოსავლებიდან 50% ერგებოდა. „ნაპოლიმ“ კი 900 ათასი ევროს ღირებულების 6 ათასი ცალი მაისური გაყიდა.

სასამართლომ მხედველობაში მიიღო კლუბის კეთილსინდისიერება და დაადგინა ჩეჩისგან ამოიღოს 150 ათასი ევრო „შეურაცმხყოფელი მოქცევისთვის“, რაც ზიანს აყენებს მარადონას მემკვიდრეების ინტერესებს.

კატეგორიები: სპორტი

მსგავსი თემები